STEVEN AND LILIAN PART 3

inkuru ndende

STEVEN AND LILIAN PART 3

Aho twagarukiye ubushize!
.
cyane, tugerageza kugaha imiti ya Kinyarwanda
ariko kakarushyaho kuremba, kandi nta
mafaranga twari dufite yo kumujyana kwa
muganga!
.
Part 3
.
Ka divine kakomeje kurwara cyane, ndetse uko
twakomezaga kugahata imiti ya Kinyarwanda
niko kakomezaga kuremba, ibyo bikadutera
ubwoba n’agahinda njye na fidele.ibyo byatumye
ngerageza kugora cyane ngira ngo mbone
amafaranga yo kumujyana kwa muganga, ubwo
nikoreraga imizigo iremereye cyane.
Rimwe nari niriwe nzerera umugi wose ntarabona
umpa n’ikiraka cya make, ngize imana numva
umugabo urimo gushaka abantu bajyana nawe
gupakira amabuye mu fuso ye ahantu hitwa
kumukamira, mba namwegeye ahita amfata
hamwe n’abandi basore bane, gusa umusore
w’inshuti yanjye witwa jack we
ntiyabashije kukabona, kuko urebye abakozi
barakarwaniraga.
.
.
Njye mbonye ko mushuti wanjye jack atabonye
akazi mpita ndeba wa mugabo uduhaye akazi,
mubwira ko nkeneye amafaranga cyane
byihutirwa, mbese musobanurira impamvu nshaka
ko ampemba mbere, murabizi namwe ibibazo
imuhira twari dufite,gusa uwo mugabo nawe
ntiyambereye umwana mubi yahise ampa
3000frw nagombaga gukorera! Ntakindi nakoze
nahise njya kuri tigocash nkuraho n’utundi
narimaze iminsi nzigama, yose nyaha jack
ndamubwira nti: umva jack! Urabona n’ubundi
ntakazi uribubone uyu munsi, ahubwo fata aya
mafaranga ,wihute murugo ufashe fidele mujyane
ka divine kwa muganga, ubwo nanjye nindamuka
nje kare, ndahita mbasangayo!
.
.
Jack: sha ntaribi yazane, nubundi ndabona burira
ntako mbonye, ahubwo reka nihute tumujyane
kwa muganga vuba! Nanjye nti: urakoze cyane
muvandi! Imana ikumpere umugisha!
Ubwo njye nahise nurira ikamyo turerekera,
tugeze kumukamira turapakira bigera nko mu ma
saa kumi nebyiri zumugoroba turataha,
birumvikana twaje hejuru yamabuye, gusa
ntahandi nanyuze uretse kubitaro, nabaye
nkihagera ndabaririza bambwira ko nta murwayi
witwa divine baherutse kwakira. Ibintu byahise
binyobera, nibaza uko byaba byagenze
bikanyonbera, mpita nirukira murugo mpageze
nsanga fidele arimo kurira impande y’igitanda
divine yararyamyeho,n debye mbona ka divine
karembye cyane ngakozeho numva ndimo
ndashya, mpita mbaza fidele nti: niko se!
komutajyanye divine kwa muganga kandi nahaye
jack amafaranga yo kumujyanayo!?
.
.
Fidele: yeeeh! Ngo jack!, ko ntawigeze agera
hano se!? akivuga gutyo numva nguye mukantu,
ibintu biranyobera mpita mfata phone ngo
muhamagare mpita nsanga yari yanyohereje sms
agira ati: sha steve! Urakoze cyane kumpa aya
mafaranga, nari nyakeneye cyane ndetse ubu
ngiye mubugande kandi ntugire ikibazo nzagaruka
nguha menshi kuraya!kuko aya azamfasha
kubona ayandi menshi, kandi unyihanganire!
Bavandimwe nahise numva umujinya undenze,
ndarira ndaboroga ndetse bigeraho fidele
atangira kumpoza! Narebaga ka divine nkumva
agahinda karanyishe, nkumva ngeze hahandi
numva ko kubaho ntacyo bimaze! Natekereje
kwiyahura ariko ndeba ahantu naba nsize fidele
na divine, ndavuga nti sinaba ndi imfura nyayo!
.
.
Ubwo twakomeje kurwaza rwaza, tugize
amahirwe tubona iryo joro riratambutse, mbyuka
njya gushakisha, birumvikana nta nagakoma
narinsigiye ba fidele. Ubwo nahise njya muri gare
gutega abazanye imizigo nkuko bisanzwe ngize
n’imana mbona umukobwa waruvuye mwisoko
afite ikarito irimo televiseur nshya mpita
mwegera ndamubaza nti: bite se ssta! Ntago
tugutwaza se!? nawe ati: yoooh! Ngaho se sha!
Njye: turakugerazahe se!? nawe ati: wowe
kurikira uyu muhanda, nugera ahantu babagira
inka ubaze kwa lilian cyangwa kwa mama lilian,
barahita bahakwereka! Njye: nonese ukampa
angahe!? Nawe ati: wowe genda, turavugana
uhageze ntakihbazo!
.
.
Ubwo nahise nikorera ikarito ndazamuka ariko
uko natekerezaga ka divine nkumva agahinda
karanyishe, nibwo nahise nigira inama yo kwiba
ibyo nari nikoreye, ndebye inyuma mbona wa
mukobwa yasigaye inyuma cyane mpita nkata
ninjira muyindi nzira!
Bitewe nuko narinkeneye amafaranga menshi yo
kuvuza divine, nahise njya ahantu bagurishiriza
ibyakoze, mbahereza imari bampa make mpita
ngaruka niruka ngo njyane divine kwa
muganga.mbaye nkigera murugo numva abantu
inyuma yanjye ndebye neza nsanga ni wa
mukobwa nibye televiseur ndetse arikumwe
n’abandi bagabo babiri bafite n’inkoni nini cyane!
.
.
Narebye mumaso ha fidele na divine ndagije
ndafukama nsaba imbabazi,gusa umugabo umwe
yaratangiye kunkubita ngiye kumva numva
umukobwa ahise avuga ati: hoya mube muretse
kugira icyo mumutwara! Ubwo abagabo baba
basubiye inyuma ho gato! Umukobwa ahita
anyegera arampagurutsa ahita ambaza ati: niko
se! uranzi!? Nanjye nti: hoya rwose sinkuzi!?
.
.
Nawe ati: njye nitwa lilian! Naho wowe!? Nanjye
nti: nanjye nitwa steven, aba ureba hano…..
ntarakomeza ahita ambaza ati: nonese
warusanzwe urumujura? Nanjye nti: hoya rwose!!
Nawe ati: kuberiki wanyibye ibintu byanjye!?
.
.ESE LILIAN ARAZA KUGIRA IMPUHWE!?

ntucikwe na PART 4

Advertisements

3 responses to “STEVEN AND LILIAN PART 3

  1. Pingback: STEVEN AND LILIAN PART 2 | Dusabane Magazine·

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s