BAKOBWA, KWIRENGAGIZA URUKUNDO USHOBORA KUZIGARURA AMAZI YARARENZE INKOMBE; DORE UBUHAMYA BUKORA KU MUTIMA


BAKOBWA MWUMVIRE HO KUKO BUNO BUHAMYA BWABIGISHA BYINSHI

img_8963

Nakundanye n’umusore arampemukira mbirwara igihe kuburyo nafashe icyemezo cyo kutazongera gukunda na rimwe mu buzima bwanjye, mara imyaka irenga itatu numva byaramvuyemo burundu kuko numvaga nta muhungu wankunda nk’uko Eddy twakundanaga mbere yankundaga.

Nyuma naje guhura n’umusore witwa Serge, dutangira turi inshuti zisanzwe ariko nareba uko ateye, nakwitegereza imico n’imyitwarire ye ngatwarwa wese.

Yamfataga neza akanyitaho,anyereka ko iby’ubucuti busanzwe yabirenze ahubwo amfitiye urukundo ruhambaye.

Serge yari umusore ntapfa kubona uko nsobanura, gusa yatumye ntangira gutwarwa wese ntangira kumukunda ku kigero ntari narigeze nkundaho Eddy.

N’ubwo namukundaga ariko, Serge yansabye ko twakundana mubwira ko bidashoboka kuko namurutaga mu myaka kandi nkaba nari naragize ibihe bibi mu rukundo, mubwira ko ntari isugi ndetse naryamanye kenshi na Eddy twakundanaga bityo nkaba ntakwemera ko dukundana.

Mu by’ukuri ariko Serge naramukundaga kandi nkifuza ko naba umwamikazi w’umutima we ariko namubwiye ibyo byose ngirango numve ko azabasha kubyakira no kunkunda uko ndi, kuko numvaga ntakundana n’umuntu ntamubwije ukuri kandi nkagira impungenge ko hari uwakwanga kubyarira uko biri.

Serge yambwiye ko ibyo ntacyo bimubwiye we yifuza kunkunda akampoza amarira natewe na Eddy, yongeraho ko adashobora kunziza iby’ubuzima nabayeho mbere tutaramenyana, ko ahubwo we icyo azaha agaciro ari imyitwarire yanjye turi kumwe.

Serge yarampendahenze ngo nemere ko dukundana nanjye nihagararaho by’amafuti kuko nari narashize, mubwira ko nzabitekerezahobihagije nkabona kumubwira.

Gusa n’ubwo namukundaga nageraga aho nkumva nibutse ibyo nakorewe na Eddy umutima ukankuka, ariko nanone urukundo nakundaga Serge rwari rurenze uko umuntu yabyiyumvisha.

Kuko Serge yari afite isabukuru y’amavuko taliki ya 20 Mata, nahereye mu ntangiro z’ukwezi kwa gatatu muhakanira ko ntakundana nawe arinako yakomezaga kumpendahenda, ngatekereza ko nzamwemerera urukundo ku isabukuru ye y’amavuko ariko kandi nkumva nshimishijwe n’uburyo yampendahendagakuko byatumaga numva ko nkunzwe koko kandi n’abandi bakobwa bajyaga bambwira ko umuhungu mwakundanye yabanje kuguhendahenda ariwe uguha agaciro cyane.

Serge iyo yamaraga nk’amasaha abiri atamvugishije naburaga amahoro kandi rimwe na rimwe yacikaga intege akambwira ko ashaka kunyikuramo kuko nanze ko dukundana ariko nkamugusha neza akagaruka mu murongo.

Nanjye namwitagaho uko nshoboye kuburyo rimwe na rimwe yambwiraga ngo abona mwereka ko mukunda ariko nkihagararaho nkamubwira ko mukunda nka mubyara wanjye cyangwa se inshuti isanzwe, cyane ko numvaga ntanashaka ko anyita utuzina tw’abakundana nka cherie, honey, darling kuko nari ntarakira ko ngiye gukundana n’umusore ndusha imyaka itatu.

Umunsi umwe ku itariki 8 Mata ubwo haburaga iminsi 12 ngo Serge agire isabukuru y’amavuko, nategereje ko ampamagara ndaheba umunsi urinda wira tutavuganye numva umutima ugiye kumvamo.

Namwandikiye ubutumwa bugufi mubaza impamvu yiriwe yanyanze ambwira ko amfitiye inkuru nziza aza kumbwira nahuguka, ariko nkumva ari kumwe n’undi muntu nkayoberwa uko byagenze.

Yaratashye agera mu rugo nka saa tatu z’ijoro arampamagara ambwira ko ari mu rukundo n’umukobwa witwa Honorine ariyo nkuru nziza yendaga kumbwira. Yongeyeho ko anshimira ukuntu namubereye inshuti nziza n’ubwo nanze kumwemerera urukundo.

Akimara kubimbwira naramubwiye nti ni byiza ariko umutima wari wamvuyemo, numva ahari ari inzozi mbese birandenga mera nk’umusazi. Nagerageje guhendahenda agatotsi biranga, ubwo ariko nahise mubwira ngo nareke ndyame ndananiwe nawe yumva ko hari ukuntu kudasanzwe mbaye.

Kuva ubwo natangiye kwicuza impamvu nihagazeho nkitesha amahirwe yo gukundwa na Serge na n’ubu sindabona umutuzo wa mugani w’umuhanzi waririmbye ngo “Ne laisse pas passer la chance d’etre aimer” nanjye nitesheje amahirwe na n’ubu ndacyabyicuza.

Serge yari umusore w’ibitekerezo bifatika, n’ubwo yari muto kuri njye ariko yari afite ubwenge buruta ubw’abagabo benshi bubatse. Yari imfura kandi azi gushyira mu gaciro kuburyo uretse Honorine wahiriwe nta wundi wapfa kubona umukunzi umeze nka Serge.

Kugeza ubu ngerageza gukundana n’undi nkamugeranya na Serge ngahita mbivamo. Kugeza ubu Serge mubona gake kuko akunda kuba ari kumwe n’umukunzi we Honorine ariko nanjye ndacyamukunda n’ubwo amazi yarenze inkombe.

Njya mbona uburyo uwo Honorine yaguye ahashashe nkabona ko nikuye amata mu kanwa, gusa sinabuze byose nahakuye isomo ry’uko ntawe ukwiye kwirengagiza umukunda kandi abimwereka kuko ushobora kuzabimweruriraamazi yararenze inkombe.

Dore izindi nkuru mwasoma

Bakobwa dore impanuro mwari mukwiye mbere yo kurushinga

Bakobwa dore ibintu 10 wakorera umukunzi wawe agahora yishimye

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s