DORE IBINTU ABAKIRE BAKORA BURI MUNSI


Kugirango ukire si ibikwizanira urabiharanira, ukabikorera.hari imitekerereze ndetse n’ ibintu bibaranga nawe byagufasha

img_8954-1

MENYA IBINTU 15 ABANTU BATEYE IMBERE BAKORA UMUNSI KU WUNDI
.
.
Benshi mu bateye imbere bagira inzira banyuzamo ubuzima bwabo ndetse bakagira n’ibintu bisa n’aho byoroheje bubaha bakabasha kugera ku byo biyemeje.
.
Iyo umuntu avuze abateye imbere abantu bumva abacuruzi bakomeye,Abanyamadini bafite bayobotswe na benshi, abantu bafite impamyabushobozi z’ikirenga, abikorera benshi bita “abagwizatunga” (Abakire), abakozi bagiye baba imbarutso zo guteza imbere ibigo bakorera, Abanyapolitiki bakomeye n’abandi.
.
Urutonde rwaba rurerure gusa bigora benshi kumenya amabanga baba baragiye bakoresha aho benshi baba bakekerwaho izindi mbaraga zanduye, gusenga bidasanzwe, kugira umugisha,gukomoka mu miryango ikize n’ibindi.
.
Gusa hari amagambo 15 watekerezaho atagombera amashuri menshi,amafaranga cyangwa impamyabushobozi z’ikirenga ahubwo ni ibyo buri muntu wese afitiye ubushobozi bwo kugeraho ariko itandukaniro rikaba uburyo tubikoresha.
.
.
1. Kwishima
.
Abakora cyane bamara igihe kinini bahugiye mubyo bakora ariko .Gusa iyo bageze mu bihe bikomeye ntibibaherana ahubwo bamenya kubyitwaramo neza kuko baba baziko ikibazo bahuye nacyo uyu munsi ari ikiraro kibageza ejo hazaza.
Baharanira kwishimira urwego uru nuru bariho haba mu bibazo by’inzitane cyangwa mu bihe by’urwunguko bityo aho kugirango ibibazo bibace intege ahubwo bikababera isoko y’iterambere.
.
.
2. Kwiga
.
Hari imvugo mu Kinyarwanda ngo kwiga ntibijya birangira,kandi ntabumenyi bupfa ubusa.Abantu bateye imbere iki kintu baba bakizi ariyo mpamvu bahora baharanira kwiyungura ubumenyi ndetse bahanga n’udushya mubyo bakora.
.
.
3. Kumva
.
Nta muntu ushobora gushyira mu bikorwa inshinga “Kwiga” atabanje iyitwa “kumva”. Abantu bateye imbere bakunda gutega amatwi ibyo abantu bababwira cyane ibibakebura kurusha ibibasingiza.
Abo bantu iyo ubabwiye ikintu kibakebura baragikunda kurusha ikibabwira ibyo bamaze gutunganya.
.
.
4. Kubaza
.
Kubaza ni ibintu bibafasha gusobanukirwa ibyo bumvise ndetse no guhuza inshinga “Kumva” no “Kwiga” icyo mu cyongereza bita “Active Listening”, bishatse kuvuga ko bitonda bakumva,bakabitekerezaho ndetse icyo badasobanukiwe bakwaka ibisobanuro.
Gusa ibyo bumvise byose siko bahita babimira bunguri ahubwo babitekerezaho cyane bagakuramo ibifite akamaro.
.
.
5. Kwisanisha
.
Abantu bateye imbere kugirango bayobore abantu, kugirango abantu babumve ndetse abo bayobora babagirire ikizere babanza kwisanisha nabo no kwishisha bugufi kugirango babone guhuza ibiganiro n’abo akenshi baba barusha icyubahiro.
.
.
6. Kurekura – Gutanga
.
Nta muntu numwe ku isi wageze ku bikomeye ku giti cye ahubwo afashwa n’abandi kubigeraho. Abakomeye barabizi kandi baziko kugirango ubone ibituruka mu kuboko kw’abandi nawe ugomba kubanza kugira ibyo urekura.
.
.
7. Gushimira
.
Ijambo ryoroheje cyane “Urakoze” usanga benshi ribagora ariko ni ijambo benshi mubateye imbere baba barakoresheje kandi rikazabaha inyiturano itagerwa ku mashyi.Iri ni ijambo ubwira umuntu akishima kurusha nuko wamuha ibifatika.
.
.
8. Gutsindwa
.
Baca umugani mu Kinyarwanda ngo ntayitinya itarungurutse ariko abahanga bavuga ko mbere yo kugirango utere imbere ubanza kurenga ubwoba ugafata “Risk”. Byakunda ukunguka ugatunga ugatunganirwa ariko byanakwanga ugakuramo isomo.
.
.
9. Kwisubiraho
.
Baca umugani ngo “ubugabo butisubiraho bubyara ububwa” uyu mugani bawuca bagaragaza ko ibyo ukoze byose ugerageza atariko bicamo ahubwo iyo ugeze mu nzira z’inzitane ugomba gushaka uburyo uzisohokamo.
Muri uku kuzisohokamo ugomba rimwe na rimwe guhindura ibyemezo,gufata imyemezo byihutirwa kugirango kandi benshi babikora bibaganishe aheza.
.
.
10. Gukunda
.
Kugirango utere imbere ugomba kugira ibyo ukunda byinshi bishingiye ku buzima,ku masano ndetse no ku kazi.Ni muri urwo rwego benshi bakunda imiryango yabo ,akazi bakora ,abakiliya babo ,ubuzima ubwabwo n’ibindi.
Abantu bateye imbere bakoresha iki kintu kuko aricyo kibyara b’abantu babafasha urugendo rw’ubuzima.
.
.
11. Kubabarira
.
Abahanga bavuga ko gukosa ari ibintu bisanzwe ahubwo gusubira mu ikosa aribyo bibi. Kugirango utere imbere ugomba kumenya ko abantu bakosa kandi bagahabwa imbabazi.
Benshi mu bateye imbere barababarira ariko bakereka ababakoshereje uburyo batazongera kugwa mu ikosa ukundi.
.
.
12. Kwibuka
.
Mu mvugo ya Kinyarwanda bavuga ko “utazi iyo ava atamenya iyo ajya” benshi mu bateye imbere usanga batajya bibagirwa ibihe,abantu n’ibindi byabakoze mu jisho mu rugendo rwabo.
Abo bantu usanga baramenye gutandukanya ibyo benshi bitiranya aribyo kubabarira uwagukoshereje no kwibagirwa.
.
.
13. Gutinyuka
.
Buri mahitamo yose ku isi asaba gutinyuka ku buryo n’akantu abantu bita akoroheje gasaba icyemezo gikomeye,bisobanuye ko abantu bateye imbere ari abantu batinyuka cyane “risk-takers” kandi bakamenya kwakira neza umusaruro bitanze ari mwiza cyangwa udashimishije “risk-managers”
.
.
14. Guhitamo
.
Abantu bateye imbere cyane usanga bafite ibintu byinshi bibareba ndetse rimwe na rimwe byuzuzanya.
Mu nzego zitandukanye usanga bisaba ubuhanga bwinshi kugirango byose babitwarire rimwe kuko akenshi biba byuzuzanya.Guhitamo nicyo cya mbere ukora ukareba ikihutirwa kurusha ibindi “Priority” maze n’ibindi ukagenda ubikurikizaho.
.
.
15. Kugera ku ntego
.
Benshi bakunda gutangira ibintu bakabihagarika bageze hagati,gusa abantu baguha amanota bagendeye kubyo warangije ahubwo atari ibyo watangiye.Iki kintu abantu batera imbere nuko baba barabanje kukimenya bagategura neza ibyo bagiye gutangira bakemera gutanga ikiguzi cyacyo cyose ngo kizagerweho.

Reposted by Dr. P. Mupenzi Mwiza

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s